29-1-2026. Presentación do libro "El naturalista impaciente" de Gonzalo Mucientes Sandoval [OUTRAS NOVAS]

Xoves, 29 de xaneiro ás 19.30 horas

30-1-2026. Venres da EMAO presenta o libro "O violín que trae o vento" por Adrián Méndez [DEPARTAMENTO DE MÚSICA TRADICIONAL]

 "O violín que trae o vento"

Adrián Méndez, músico, investigador e docente vencellado á cultura popular galega, gaiteiro e zanfonista en De Ninghures e coordinador da Foliada da Fonsagrada, presenta "O violín que trae o vento", un libro que recupera a figura de Modesta Fernández López, a cega de Noceda, violinista da Fonsagrada e voz singular da música tradicional. A través da memoria de quen a coñeceu, a obra reconstrúe a súa vida e o seu xeito de sentir e interpretar a música, complementándose con gravacións que traen ao presente o seu legado.

Coa participación do dúa Pärbo, Marina Carpente e Matría Jorge

Presentado por Begoña Riobó (técnica do Departamento de Música Tradicional da EMAO)
Data: 30 de xaneiro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos da proxección do documental "A Gaita Galega II" [VENRES EMAO]

23-1-2026. Venres da EMAO presenta a proxección do documental "A Gaita Galega II" [CAIM GAITA]

 

 "A gaita galega II"

Composto por tres partes, este documental foi emitido no seu momento pola TVG dentro do formato NAQUELES TEMPOS.

Esta segunda parte abrangue dende os anos 40 do século pasado ata o fin da ditadura. Tempos escuros de represión das identidades culturais. 

O desprazamento dos gaiteiros das festas populares. Os grupos icónicos que foron quen de manter a gaita a pesar dos atrancos: Os Morenos, Os Campaneiros, Os Montes, Irmáns Portela, Os Rosales, Airiños do Parque de Castrelos, etc.

Presentado por Carlos Corral (mestre de Construción artesanal de instrumentos musicais -CAIM- Gaita da EMAO)
Data: 23 de xaneiro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Ultimos días para visitar no Espazo EMAO a exposición Proxectos 2025 [ESPAZO EMAO]

 

"Proxectos 2025", representa unha mostra da culminación do proceso formativo do alumnado de distintas especialidades da EMAO, que se pode visitar ata o 23 de xaneiro de 2026 na sala de exposicións da escola, o "Espazo EMAO".

 FICHA DA EXPOSICIÓN

Nome: Proxectos 2025 [Proxectos de fin de estudos do alumnado do curso 2024-25]

Lugar: Espazo EMAO. Sala de exposicións da Escola Municipal de Artes e Oficios de Vigo. (Entrada polas rúas Pontevedra e Rosalía de Castro)

Datas: do 21 de novembro de 2025 ao 23 de xaneiro de 2026

Horario: De luns a venres, laborables de 19.00 a 21.00 horas

Comisariado: Rosa García, mestra de Talla e escultura en madeira, e Xaime Rivas, mestre de Construción artesanal de instrumentos musicais (CAIM) Zanfona, coa colaboración do profesorado de Pintura, Debuxo artístico, Serigrafía artística, Deseño e encaixe de palillos, Moda e confección, Artesanía en coiro, Ourivaría e CAIM Gaita.

Cartaz: Federico Fernández Alonso

Produción e montaxe: Escola Municipal de Artes e Oficios de Vigo, 2025

Axudante de montaxe: Eduardo Sánchez Arteaga

Fotos da conferencia Arte no refugallo por Rodrigo Riveiro [VENRES EMAO]

 

 

16-1-2026. Venres da EMAO presenta a Rodrigo Riveiro, arte no refugallo [OURIVARÍA]

 

O ourive Rodrigo Riveiro, artífice da marca de xoiería "Ferraxes de prata", Premio Artesanía de Galicia en 2017 e Premio Antonio Fraguas en 2020, destaca pola creación de pezas únicas a partir de materiais de refugallo.
Nesta conferencia contaranos como foron os seus inicios antes de ser xoieiro, como comezou co seu obradoiro e tamén como é o proceso de creación das súas xoias, centrándose na colección Louza, que realiza reciclando louza e cerámica rota ou estragada, creando con prata o engarce que a xungue nun proceso totalmente artesanal.

Presentado por Sandra de Jesus (mestra de Ourivaría da EMAO)
Data: 16 de xaneiro de 2026
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Inauguración da exposición "Rosa García: relatos do habitado" no Museo de Gravado de Artes [NOVAS NOVAS]

Parabéns á nosa mestra de talla e escultura en madeira que inagurou o pasado sábado a súa exposición no Museo de Gravado de Artes en Ribeira, Rosa García: relatos do habitado.

 

A continuación tedes unha breve reseña da exposición que fai o director do Museo do Gravado, Xoán Pastor Rodríguez Santamaría:

A artista Rosa García fainos reflexionar, coa súa exposición, sobre o espazo, que se converte en lugar pola mirada humana, por habitalo, deshabitalo e tamén cohabitalo. As tres series da mostra fannos enfrontarnos nun primeiro momento en Impares ás outras formas de habitar un espazo dende as diásporas sociais, o aniñamento que nos protexe, que nos permite habitar o deshabitado, conservar a memoria, enraizarnos. Facer un refuxio da nada, lograr un construto para a pertenza. 

A serie Domus Domina fainos pensar na profunda relación entre a muller e a casa, nun diálogo entre o corpo e o espazo, no que a muller ordena, reescribir o íntimo e procura asentar a intimidade. A casa como icona, do compartir, da espera, da responsabilidade. 

Canto a Bosques e Mareas lévanos á reflexión sobre a memoria, sobre o tempo, sobre a inestabilidade e sobre o espazo convertido en paisaxe que constrúe un territorio e a memoria vai modelando no seu movemento, desacordar e lembrar. As mareas son ese perpetuo movemento, o construír e deconstruír, un lugar de memoria e de esquecemento. 

Gran orixinalidade formal e conceptual a desta exposición de Rosa García, que nos leva dende as imaxes á reflexión profunda, a resituarnos ante o espazo, a pensar nos lugares que habitamos, á memoria e ao refuxio, mais tamén ás veces ao desacougo, á indeterminación e nos abre novas perspectivas de pensamento. 

Xoán Pastor Rodríguez Santamaría (Director Museo do Gravado).

 

Esta exposición poderá visitarse do 10 de xaneiro ao 10 de marzo de 2025. 

Lugar: Sala 2 do Museo do Gravado 

Catálogo da exposición. PDF

Felices Festas!!!

 

A Biblioteca da Escola Municipal de Artes e Oficios deséxavos unhas felices festas de Nadal e un próspero e venturoso 2026.

Vémonos á volta das vacacións !

Novos títulos para a Biblioteca da EMAO [BIBLIOTECA]

 

A Biblioteca da EMAO segue incorporando novos títulos  á súa colección moderna, como noutras ocasións tentamos adquirir material bibliográfico para todas as especialidades da Escola. Tamén temos novos títulos para a nosa sección de novela gráfica. Esperamos que resulten do voso interese. Novas adquisicións 

 

 

Fotos da presentación do libro "Aida e Rosa, cantadeiras de Moscoso" por Luis Prego Fernández [VENRES EMAO]

 

12-12-2025. Venres da EMAO presenta "Aida e Rosa, cantadeiras de Moscoso" con Luis Prego Fernández [CAIM ZANFONA]

 Luís Prego Fernández (Vigo, 1971). Estudoso e investigador do folclore tradicional galego.

Autor dos libros "Para cantar e bailar" (Ed. do Cumio, 2008), "Xogos musicais" (Ed. do Cumio, 2013) e "Aida e Rosa, cantadeiras de Moscoso" (Autoedición, 2025). Publica tamén numerosos artigos en revistas especializadas. Creador e administrador en redes sociais da páxina "Un punto ao día con Luís Prego", e do grupo de difusión etnográfica "Baile e música de Galiza".

 

Presentado por Xaime Rivas (mestre de CAIM Zanfona da EMAO)

Data: 12 de decembro de 2025

Hora: 19.00h

Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos da conferencia de Eva Tarrío, comisaria de VARCO [VENRES EMAO]

Eva Tarrío e Rosa García

5-12-2025. Venres da EMAO presenta "VARCO" por Eva Tarrío [TALLA E ESCULTURA]

 

VARCO, un espazo expositivo que se consolida en Vigo. 

Eva Tarrío, comisaria de VARCO, contaranos como se organiza un evento cultural como este: Espazos expositivos, comisariado artístico, xestión cultural etc, nunha cidade como Vigo.


Presentado por Rosa García (mestra de Talla e escultura en madeira da EMAO)
Data: 05 de decembro de 2025
Hora: 19.00h
Lugar: Biblioteca da Escola Municipal de Artes e Oficios de Vigo

Entrada libre ata completar aforo.

Fotos da conferencia de Ricardo García Fernández [VENRES EMAO]